有人話娛樂圈係個大染缸，任何人喺度打滾一段日子，性格唔多唔少都會被污染，更何況係剝衫搵食嘅裸模界？不過呢句說話對人氣裸模Karissa嚟講卻唔係咁啱用，事關佢出道至今，不但保持純真嘅個性，閒時更貫徹樂於助人嘅宗旨，幫助有需要嘅人士。
今年22歲嘅烏克蘭索女Karissa喺2013年出道，為佢推出處女寫真嘅則係著名裸體寫真公司Mplstudios。雖然佢出道2年，但推出過嘅寫真已超過109套，換言之，佢每個月有超過4套寫真面市，呢個數量不但為佢帶嚟相當可觀嘅收入，更足證佢人氣有幾高。事實上，呢位外形標致嘅活潑女郎，自出道以嚟先後以Dana P.、Daniele、Delicia、Katie A、Katie等藝名，喺Met-art、Hegre-art、Femjoy、Rylsky Art、Stunning18等著名寫真網站推出作品，又經常於男士、潮流、內衣、汽車雜誌上見到佢嘅蹤影，又經常以Dancer同Show Girl身份，喺夜店及商品博覽會度亮相，因此縱然佢出道日子唔算長，卻已經為佢帶嚟唔少財富，堪稱裸模界嘅小富婆。
可能有人覺得阿妹搵咁多錢，梗係會用喺享樂之上，如果咁諗嘅話就錯喇！事關現為一名護理學系大學生嘅Karissa，對金錢有另一番嘅睇法及用途。愛心爆棚又純真嘅Karissa，原來每個月都會抽出一部分收入作為捐款之用，希望透過呢種方法嚟幫助有需要嘅人。據Karissa解釋，佢之所以選擇修讀護理專業，就係希望能夠幫助到其他人。既然係咁，點解佢會去做裸模呢？佢坦言一方面係為咗幫輕屋企嘅經濟負擔，另一方面則能夠體驗到一般人體驗唔到嘅生活。Karissa表示如果未來專職護理工作嘅話，未必再有機會試吓其他嘅生活方式，故此趁住年輕，好好咁享受青春同埋唔同嘅生活體驗。家陣Karissa忙於拍攝寫真同學業之餘，亦有習舞，希望為將來嘅事業帶嚟更大嘅發展空間。
身材玲瓏浮凸嘅Karissa，除咗一對車頭燈夠誘人外，有活潑精靈之稱嘅佢，更喺寫真中散發出陽光氣息，難怪佢出道冇耐就獲得各大寫真公司垂青。究竟佢嘅外形有幾正呢？想知嘅話不妨登入呢個網站，好好咁體驗一下。
網址：www.indexxx.com/models/77038/karissa-2
出生日期：1993年1月1日
身 高：5呎5吋
三 圍：34-22-35
撰文：魂