德國有位36歲女士，當咗教師長達17年，但佢另有一個身份就係小電影明星，最近仲奪得相關影展嘅大獎，因被校方發現，仲話要炒佢魷魚，女教師同支持者都大力反對，嚟自龍會嘅小雅就話：「我撐佢呀！」
小雅話：「呢篇報道我都有睇過，我覺得呢位女教師講得好啱，做小電影明星對管教小朋友，冇直接關係，點解唔可以畀佢繼續當教師呢？真係講唔通，如果校方嘅道理講得通，即係其他小電影明星都冇資格管教小朋友啦！試問所有小電影嘅男女明星，唔正正係好多小朋友嘅爸爸同媽媽嗎？難道佢哋亦冇資格管教自己嘅小朋友嗎？所以我極之贊同呢位女教師，至於你話佢做兼職時冇申報，違反校規或者僱傭條例要炒佢，咁就肯定冇人會反對，但你話做小電影明星就冇資格教小朋友，咁就邊度都講唔通。我以前亦發生過一單嘢，同呢件事十分相似，話說我屋企係賣胸圍底褲嘅，由於係做街坊生意，所以賣嘅都係平價嘢，十蚊八蚊就有交易，故事就係同呢啲胸圍有關！」
同胸圍有關？咁真係要認真聽清楚啦！小雅話：「我自小就穿戴屋企賣嘅胸圍，一直都覺得冇問題，後嚟我做咗模特兒，雖然身上一身都係名牌，但胸圍仲係用平價貨，後嚟有間胸圍公司簽我做固定模特兒，佢哋知道我用平價貨好唔滿意，仲話做咗佢哋嘅模特兒之後就只可以穿佢哋嘅胸圍，你有得贊助，我當然冇問題！但我冇事做咪會返屋企幫手囉！點知畀佢哋發現咗，話我係佢哋嘅胸模，就唔可以幫手賣平價胸圍，話會影響公司嘅形象，真係畀佢哋激死，我負責嘅工作只係戴佢哋個胸圍嚟拍硬照，連個樣都見唔到，佢哋就擔心成咁，你話簽咗我做代言人就話有問題啫！一般胸模都咁多要求，所以最後忍無可忍，就同佢哋取消合約，所以對呢啲咁唔公平嘅事件，我一定會撐硬呀！」
年齡：21歲
三圍：34-24-35
撰文：小德
攝影：阿德