模特兒能否走紅，佢嘅綽號有時都十分重要，就好似今日要介紹嚟自湖北武漢嘅鄒晶晶，佢被媒體稱為「雷神女」，原因並唔係因為佢似電影《雷神2》嘅女主角，而係因為一套性感透視裝，而令兩人扯上關係。
今年24歲嘅鄒晶晶，自小就喜歡表演藝術，所以唱歌跳舞亦一樣難佢唔倒，但為咗提升自己嘅戰鬥力，所以遠離家鄉考入北京電影學院，修讀主持同埋表演系，由於電影學院出身，所以晶晶未畢業就已經參與多部影視作品嘅演出，雖然只係小角色，但每次都表現出色，令製作單位對佢印象深刻，之後機會不斷，而同時晶晶樣靚身材正，所以大把人爭住邀請佢做模特兒，呢幾年間就替內地多本雜誌拍攝硬照，呢啲雖然係正規雜誌，但被人發現出晶晶嘅驕人身材，性感形象漸定，亦因為做咗模特兒之後，就多咗綜藝節目邀請佢做嘉賓同埋出席咗好多展覽騷，所以論曝光程度比啲大明星仲厲害，而喺舊年更推出個人單曲，自己更擔任MV女主角，性感嘅大膽程度更係令人咋舌。
講番佢點解會畀人叫做「雷神女」，話說佢喺2013年出席廣州車展時，佢竟着住《雷神2》女主角走紅地氈出席影展時所穿着嘅同款性感晚裝，由於與名人撞衫，於是引起傳媒廣泛報道，據講消息更傳到去外國，「雷神女」呢個名字亦因此爆紅。晶晶自此不斷以性感形象示人，無論拍影視作品或者寫真，就連出席活動都離不開性感形象，所以一直畀網友認定為「情慾女神」或者「性感教主」。有時晶晶嘅表現又真係太過出位，於是有朋友歸咎於佢帶有俄國血統有關，表面嘅晶晶十分狂野性感，但原來佢都十分傳統，喜歡從一而終，愛情係一生一世，而且更發聲明話自己除咗識拍情慾戲外，其實拍正經戲佢一樣掂，但唔性感吓實在太浪費呀！導演肯觀眾都唔制啦！
簡介：其實鄒晶晶拍咗好多性感照，但坊間流傳嘅只得兩輯，想一睹全貌，就一定要上佢嘅官網瀏覽，有好多絕密照片提供。
網址：http://weibo.com/p/1005053921299223
出生地：湖北武漢
三圍：35-24-35
身高：170cm
撰文：龍四海