雖然唔可取，但係好多人鍾意驅車到偏僻又冇人嘅地方，然後停埋一邊同伴侶玩車震。不過，停車玩車震原來只係小兒科，因為喺美國有唔少人將車震發揮到極致，就係喺行車途中嚟車震！早前南達科他州大學進行一項有關車震嘅問卷調查，訪問咗195名男性以及511名女性，當中有9％嘅男性以及29%嘅女性表示曾經喺行駛中嘅汽車上交歡，不過當時佢哋只係乘客，唔係揸緊車，相對冇咁危險。然而，有33%嘅男性以及9%嘅女性就話自己曾經試過喺駕車途中做愛，嘩！咁做真係好危險，大家千祈咪試呀，以免樂極生悲！至於試過邊揸車邊車震嘅受訪者，有37.8％試過超速，36%試過駛過另一條行車線，仲有10.8％試過玩到雙手離開軚盤，我諗佢哋真係嫌命長囉！