問到本地女仔認為最自豪嘅身體部分，通常嘅答案係眼、耳、口、鼻等。不過，同樣嘅問題交予日本水着妹作答，相信好多都會答係胸部，若然係由新紮水着妹橘花凜作答，佢就會毫不猶豫咁答係橫乳，即係波邊！
所謂江山代有才人出，日本水着界每個月都有新人出道，而佢哋嘅質素仲比起前輩愈來愈高，實乃我哋眾多水着迷之福。提到近代嘅經典水着界前輩，最出色嘅就一定莫過於原幹惠，惠妹佢身材豐滿婀娜，樣子甜美又綺麗，近年更進軍影視圈，成績仲相當唔錯。雖然惠妹並未脫離水着界做演員，但係忙於拍劇拍戲嘅佢，拍水着寫真嘅時間就相對減少，之不過大家根本唔使擔心，因為一位新人嘅質素拍得住惠妹，甚至更勁！佢就係橘花凜喇。今年24歲嘅橘花凜青春艷麗，雖然唔算國色天香，但係明眸皓齒，眉清目秀，一副嬌憨可愛之貌相當得人歡心，睇真少少個樣仲同原幹惠有八、九成相似喎。相似嘅仲有身材，橘花凜同惠妹都係屬於白滑豐滿型，上圍一樣飽滿渾圓又堅挺，而橘花凜比惠妹對G奶仲要高一Cup，達到37H！難怪有日本傳媒形容佢對H奶堪比椰子。
橘花凜係2014年新出道嘅注目新人，備受賞識嘅當然係一副豐滿嘅魔鬼身材啦，偶像評論家北川昌弘形容凜妹擁有「絕對適合拍寫真的身體及面孔」，仲大讚佢除咗身材，個樣仲同原幹惠相若，前途無可限量。據講橘花凜未加入水着界，喺行過一間DVD店嘅時候，就曾畀人誤認佢係原幹惠。事實上，除咗北川昌弘咁欣賞凜妹之外，廣大市民對佢都相當支持，首部寫真DVD《勇氣凜凜》推出之後火速榮登網購亞馬遜偶像DVD銷售榜第一位，認真叻女。凜妹喺幕前演出成功爭取到不少人氣，而喺自己嘅博客都落咗唔少工夫，因為佢一得閒就會嚟個性感自拍，將身穿比堅尼嘅火辣寫真透過博客發布，惹來廣大網民爭相點擊。而眾多自拍照當中，可以見到凜妹最鍾意就係影相當大嘅波邊，因為佢表示為「橫乳自慢」，橫乳就係波邊，自慢即係引以自豪，咁自拍照梗係針對波邊嚟影啦。
橘花凜喺博客上載好多性感自拍照，Click上去一定大把波睇，千祈咪走雞呀！
網址：http://ameblo.jp/tachibana-rin/
年齡：24歲
身高：5呎3吋
三圍：37H-23-36
撰文：賢