渡海濠情：親熱照片 咪亂分享

放相報復

小歡話：「我都受過一次教訓，話說之前喺另一間公司認識咗個同年紀嘅女仔，我哋特別啱傾非常投契，所以我咪將同男朋友出街拍拖時嘅照片分享畀佢睇，由於我身邊仲有其他男朋友，所以再三叮囑佢千萬唔可以外傳，佢當時誓神劈願話一定冇問題，後嚟我哋之間愈嚟愈多拗撬，於是咪同佢絕交囉！點知第二日佢就把我分享畀佢嘅拍拖照放上網，搞到我所有男朋友都見到，個個都打嚟問我發生乜嘢事？我正想解釋，佢仲加評語話我人盡可夫，一腳踏幾船，最後五個男友都全部甩拖，就係拜佢所賜，好彩唔係分享裸照，否則仲大鑊，所以交朋結友就算關係幾親密都好，有啲照片影片真係唔好亂分享，因為他朝有日交惡之後，真係估唔到佢哋會用啲照片同影片嚟搞乜嘢！」

搶先質問

真係講得好有道理！小歡話：「咪以為女朋友至出事，男朋友一樣會出事，同你喺埋一齊時，佢哋梗係會保護你啦！但他朝有日同佢分開，咁你哋嘅艷照同埋春宮影片，就有機會畀人放上網公諸於世，所以我一打算要同某男友分手前，我就會偷偷哋將佢手機裏面嘅照片同影片刪除晒，如果有時間我會索性換咗佢張記憶卡，到佢發覺有唔妥時，我仲會叫佢快啲攞去修理，仲話明修還修，小心裏面啲照片，唔見咗嘅話一定會同佢死過！當佢攞去畀師傅一檢查，裏面當然乜嘢都冇！而我就會乘機話佢保護手機不力，搞到照片流出，到時上晒網乜嘢面都會冇晒！隨即大條道理要求分手，佢完全唔知道一切都係我嘅安排！佢猛諗點解嘅同時，我就可以光明正大咁搵新男友啦！」

小歡Profile　

年齡：21歲

三圍：35-24-35

撰文：小德

攝影：阿昌