咪以為捷克嘅夜生活好單調，查實不知幾咁繽紛同過癮，好似位於首都布拉格嘅艷舞夜店Darling Cabaret就係其中一個好例子。作為全球著名嘅艷舞勝地，呢間有成超過50年歷史嘅夜店並非單純表演艷舞咁簡單，而事實上佢將艷舞定位為熱情奔放嘅藝術性演出，務求畀到到場玩家非凡嘅視聽享受。
多層嘅夜店除咗一樓嘅酒吧外，其餘各層均為廂房，從呢個設計不難看出佢哋主打玩家獨享娛樂，並藉此提升玩家嘅私隱度。咪以為啲人入晒房玩酒吧就冇晒人氣，皆因佢哋每日都會有唔同嘅主題，例如肯肯舞之夜、教室制服夜、皮衣愉虐夜等等，配合埋超過150位超索艷舞女郎，及佢哋熱情好客嘅態度，難怪被譽為唔可以錯過嘅艷舞夜店。
撰文：魂