唔經唔覺，情趣玩具介紹咗咁多期，識玩嘅啱玩嘅，男女都應該試齊晒！其實除咗玩，鍛煉個人戰鬥力都好緊要，趁住新一年嚟個新開始，性事上想有更高層次體驗，咁就要好好訓練喇！雖然話男女重點訓練都係得嗰度，之不過男人有其他輔助，點都着數啲，因此今期先由囡囡開始，要訓練一定非收陰球(Ben Wa Ball)莫屬，呢粒波不但用嚟鍛煉下體肌肉，玩熟咗更可以當情趣玩具爽，確係一物兩用呀，各位姊妹準備好未？
名稱：Ami by Je Joue 3 Step Kegel System
售價： 約HK$540
網址：www.lovehoney.co.uk/product.cfm?p=20747
簡介：頭炮要介紹嘅絕對係精中之精，事關佢一Set咁賣，由入門到達人級都啱用！由情趣用品界屢獲讚賞嘅品牌Je Joue生產，呢間廠素來以女性用品聞名，前年嗰舊「肥皂仔」震蛋更獲英國網站調查為最多婦女購買性用品三甲之一！去年再下一城，推出三件裝Ben Wa Ball，報稱採用目前最高級別矽膠製造，有單球、細孖球及大孖球，初級者由單球玩起，循序漸進達致可隨意控制恥骨尾骨肌肉為目的。玩法好簡單，無論你返緊工定喺屋企做家務，只要事先將個Ball放進體內即可，行行企企得閒夾吓鬆吓，每日玩佢4粒鐘，不出三個月可能最窄係你呀！
名稱：Icicles No. 42 Medium Glass Ben Wa Balls
售價：約HK$193
網址：www.amazon.com/Icicles-Medium-Glass-Balls-Clear/dp/B00DNW65I8
簡介：聽女性用家講，只要玩過收陰球就會上癮，意思係愈玩愈緊，愈玩愈興奮，所以對於有經驗用家，自然會選擇多層次快感嘅波。就好似呢件玻璃玩具界名牌Icicles推出嘅全透明及全黑玻璃球，好處係夠硬淨，唔會變形亦唔會發霉，簡直係一世受用呀！每粒直徑為3cm，大小剛好之餘，夏天玩涼快、冬天用熱水坐暖嚟玩又得，一年都咁啱玩，抵到裂呀！
名稱：Smart Dream Remote Vibrating Egg
售價：約HK$562
網址：www.enchantedpleasures.com/smart-dream-remote-vibrating-egg-adrien-lastic
簡介：識玩一定玩智能數據收陰球！對於有追求嘅女性，會將數據記錄低，不斷改進，咁呢個智能震蛋兼收陰Ball就弗晒！生產商報稱，平日用只要放進體內後當作收陰球收緊及放鬆肌肉，就會記錄低用家力度及次數等數據，再傳送到閣下智能手機作分析，你亦可以當無線遙控震蛋，喺埋牙前使用，咁你話係咪抵先？
名稱：Maia Confetti Ld1 Vibrating Vagina Balls
售價：約HK$175
網址：www.amazon.com/Maia-Confetti-Vibrating-Vagina-Balls/dp/B00AN8KWKM
簡介：平嘢一定冇好？錯喇，試試呢款新出嘅連體收陰球先再講，咁嘅價錢就可以買到孖球版，肯定抵玩。有別於坊間「吊繩」設計，呢款收陰球似沙漏，頭尾採用金屬物料製造，衞生同時有多一種體感！生產商表示，初學者可先試放一個波，習慣咗個感覺就可以再放埋另一個，當兩個球完全進入體內後，由於長度有番咁上下，用家要不斷使出「陰力」方可將連體球夾緊及壓細，比起一般靠夾多一重鍛煉，堅呀！
撰文：祖