家陣嘅女Coser為令所扮演嘅動漫人物更維肖維妙，着得幾咁性感都有，只係性感唔一定會爆紅，仲要個靚樣至得，就好似呢位嚟自俄羅斯、今年22歲嘅女Coser咁，憑住一副超萌樣加埋玲瓏浮凸嘅身材，令佢紅遍中日韓嘅網絡界呀！呢位俄國索女背景相當神秘，只知道佢喺1992年1月28日出生，而佢最早以網名RocksyChan出現於社交網站deviantART。佢喺網上大量上載其Cosplay日本動漫角色嘅靚相，馬上引起各方注視，當中尤以一輯日本漫畫《龍與虎》中嘅女角色逢坂大河嘅扮相，更令唔少動漫迷稱佢做女神，甚至有人懷疑佢根本係充氣公仔嚟添！