有謂女人去到四、五十歲，就會進入狼虎之年，性需要提升到人生最高峰時期，幾乎日日都希望得到滿足，丈夫少啲精力都頂唔順。之不過，自古相傳嘅說法又有冇根據呢？暫時未有實質又有足夠涵蓋性嘅研究可以支持，所以未能下定論，但係至少對於美國女性嚟講未必啱。
早前，美國情趣用品銷售網站「LoveHoney.com」邀請1,100名當地男女協助進行有關人生嘅性愛次數以及質量嘅調查報告，受訪者嘅年齡介乎18至65歲。結果大部分受訪男士表示佢哋做愛次數最多嘅年紀係27歲，而認為性愛質量最佳嘅年紀則為32歲。至於受訪女士方面，24歲係佢哋做愛次數最多嘅年紀，到26歲就覺得性愛質量最好。該報告同時表示，男士平均喺破處之後15年至識得享受性愛，至於女士則平均於8至10年之後。
撰文：賢