故步自封又點會有進步呢？作為一間娛樂公司閉門自守更加會減低觀眾嘅支持度，日本AV名廠SOD終於明白呢個道理，今次搞「SOD2014AV總決選」唔再玩小圈子選舉，一於侵埋其他AV廠齊齊玩，同時亦公開投票讓AV迷選出心頭好。
每逢年尾都係埋單計數嘅時候，樂壇、電視界同電影界都會舉行頒獎典禮，表揚一班成績優異嘅藝人同作品，日本AV界同樣有舉行頒獎禮，好似AV集團SOD每年都會搞「SOD大賞」。只不過，SOD年年都畀人話小器，因為佢只係頒獎予自己集團旗下嘅女優同作品，同時每個獎項都係由SOD決定，實在有欠公信力同權威性。然而，最近SOD搞咗個「SOD2014AV總決選」就唔同喇，呢個頒獎禮顧名思義係為AV業界嘅全年成績作一個總結，只要大家Click上網（網址：http://www.sod.co.jp）就可以投票選出本年度最優秀新人女優以及本年度最出色女優，此外可以選出SOD集團旗下各AV廠嘅最佳作品。投票完畢之後，可獲贈SOD專屬女優嘅全裸電腦桌布。今次總決選嘅各個得獎女優同作品，其演出片段會安排收錄於《SOD2014AV總決選》DVD當中，絕對係一次突破性嘅跨集團合作。
除咗舉行AV總決選之外，近期SOD亦消息不斷，當中最備受AV迷討論嘅新聞，就係SOD早前宣布有「超大物女優」加入AV界，並且已簽約為SOD專屬女優嘅消息喇。超大物嘅意思係指該女優名堂響噹噹，AV迷估計呢位女優極有可能同話題女王小向美奈子一樣咁出名，其下海嘅消息不但令AV界哄動，更加會令日本人熱烈討論。好可惜，SOD冇進一步透露呢位女優嘅資料，令大家難以估計係邊一位，不過答案好快就會揭盅，大家拭目以待。
撰文：賢