朋友A是香港人，原來做開酒店業，因為要搵食，早年已移居澳門，我認識他的時候他在那邊一家桑拿當管理層，畢竟工作態度和過往的經驗跟本地人有所不同，那年頭，他雖然不是場中老總，但還是頗得老闆的器重，只是後來不知怎的離開了原來的場所，從此在各家夜店兜兜轉轉，感覺是人浮於事。早前聽說他回流香港，於是四處打聽一下，原來傳聞是真的，他已當起一些酒店鐘的經理人，「你估澳門易做咩？係就係好似百業興旺，但主力靠晒上面，上面一閂水喉，都幾頭痕。」
這天約朋友A會面，他已跟我數落這些年他在澳門的辛酸，「好似呢個月咁，大人物落嚟，成個馬交即刻乾淨晒，總之就家家有本難唸的經啦。」轉個話題，那香港的高鐘市場，好做嗎？「都唔易做，女源反而對我哋唔係大問題，因為我哋唔需要太多女仔，難做在於，喺澳門做，好少涉及法律問題，點都有家場頂住，香港？你估我哋真係攞正牌咩，心理壓力都幾大。」朋友A說，他手上的囡囡，有不少是澳門那條水的，「好多女都鍾意做高鐘，夠快嘛。」
撰文：黃韋龍