時下好多男女都好注重髮型，皆因髮型可以襯托出不同感覺同吸引力，留住長長秀髮嘅女仔睇嚟特別斯文清純，而短髮嘅女仔又可帶出一種爽朗同親和感覺，大家鍾意邊一款呢？小弟最近就鍾意後者，好似吉岡里帆咁蓄着短髮且身材豐滿就最好不過喇。'
日本女星廣末涼子初出道時清純可愛，一頭清新短髮仲帶出令人着迷嘅活潑少女感覺，難怪無論係少男定老男都畀佢迷倒。只可惜，歲月不饒人，涼子當年嘅可愛已不復再。不過，要搵到一個好似涼子當年咁清新可人嘅女優絕對唔難，比佢更加豐滿誘人嘅亦一樣有，就好似吉岡里帆咁。今年21歲嘅里帆青春可愛，雙眼又大又精靈，流露出一股親切和善，令任何人都為之軟化嘅光芒，而一頭清爽短髮唔單只帶出少女情懷，係咪仲令大家回憶起初戀女友嘅甜蜜以及羞澀呢？一般嚟講，好似里帆呢種青春偶像只係賣個樣就足夠，但係阿妹仲有勝過其他少女偶像嘅地方，就係一副豐滿身材喇！里帆體態纖巧，胸前嘅F-Cup巨乳更係分量十足，加埋一身雪白肌膚，真係正到殺死人，故日本寫真界形容里帆係「透明感與豐滿共存」。
吉岡里帆廣為觀眾所認識同討論，討論嘅重點當然係阿妹嘅外在美啦，好多人見到阿妹之後，仲大讚佢整潔感同透明感極強，加上五官標致分明，亦有人將佢歸類為清楚系美少女，而其親和可愛嘅美貌令人一望即感到無比溫暖放鬆，故有人認為佢係2014年最具療愈力女星，阿妹貌美又好身材，拍出嚟嘅寫真作品當然銷路絕佳啦。除咗喺寫真界發展順利，里帆進軍電影界亦甚如意，出年2月更加有兩部電影輪流上映，一部就係《杧果與紅色輪椅》，另一部就係《揭幕》。呢兩部電影當中阿妹有相當重戲份，原因係里帆被讚話頭醒尾，演戲有水準，故甚受製作人欣賞。早前里帆知道自己備受讚賞同力捧，佢好謙虛咁話自己就好似日本球星中田英壽同本田圭佑咁，個人力量幾強都好，都唔能夠帶球隊揚威海外，一定要靠團隊合作至得，仲補充話呢兩部戲入面其他人都表現良好，一定可以令套戲大受歡迎喎，咁識講嘢，阿妹你一定好襟撈，前途無限呀！
吉岡里帆唔係成日會更新博客，不過一更新都會上載自己同心愛貓貓嘅生活點滴，愛貓人士不妨上去同阿妹分享養貓心得。
網址：http://ameblo.jp/yoshi-rihorihoriho/
年齡：21歲
身高：5呎3吋
三圍：32F-24-33
撰文：賢