渡海濠情：床上曳曳做足工夫
印尼有大學嘅科研小組，花了三十年時間，研製出最新嘅男士避孕藥，據講成分係純天然植物提煉，仲話無任何副作用，但效果點樣真係冇人知道，嚟自龍會嘅紅紅就話：「男友又多個藉口唔用袋袋啦！」
增加風險
紅紅話：「我啲男朋友十個有九個親熱時都會要求唔用袋袋，理由就只有一個，就係覺得用咗袋袋好有隔膜，親熱時一啲都唔舒服，但問佢哋萬一懷孕，係咪負責任同我結婚，自始做一個好丈夫、好爸爸？佢哋一聽又要結婚又要做人老竇，十個有十個話唔會啩！冇咁啱嘅！但我再問佢哋真係咁蹺，啱啱遇着剛剛一擊即中呢？佢哋全部都表示唔想負責任，因而死死氣地披甲上陣，所以男朋友唔用袋袋親熱，真係唔好博呀！因為萬一唔好彩中咗招，佢哋擺明就唔會負責任，到時拍拍屁股走咗去咁你就頭痕，所有嘢都由你一個人承擔，到時生又唔係，唔生又唔係，所以千萬咪搵呢啲嘢嚟博，但家陣話有男士避孕藥推出，佢哋有冇食到真係冇人知道，無形增加咗囡囡嘅風險！」
安全措施
啲男士有時又真係爭唔落！紅紅話：「用袋袋除咗用嚟預防懷孕，其實更重要係預防性病傳染，但家陣男朋友話食咗避孕藥，於是要求親熱時唔用袋袋，你對你嘅男朋友有信心，就話冇問題啫，但如果你都唔清楚嘅，呢啲風險真係博唔過！所以呢款男性避孕藥推出，我覺得對夫妻可能會有啲幫助，如果係男女朋友關係嘅，咁就真係要小心啲，而你問我會點處理？你一日未娶我做老婆，想親熱都係用袋袋穩陣啲，至於一夜情嘅，就更加要做足安全措施啦！我知道有啲朋友去玩，真係搵命博，但又何必呢？萬一有事，唔好話會對身體有害，你要花錢花時間睇醫生都麻鬼煩，而且最怕就係中招情況外洩，畀朋友笑到面黃都事小，最怕畀人唱通街就真係邊度都唔使去！」
紅紅Profile
年齡：21歲
三圍：34-24-34
撰文：小德
攝影：阿程