咪以為美國至有裸體村，原來喺英國亦有條咁嘅村莊，佢仲有相當嘅歷史添！呢條位於英國赫特福德郡M25公路旁嘅一條神秘裸體村其實存在咗好多年，只係一直以嚟都冇畀人發現。據今年82歲嘅村民Iseult Richardson指，好耐之前已經有唔少天體愛好者喺度定居，雖然佢哋日日都唔着衫，但係嚟到呢度嘅郵差同送貨員早就習已為常。
事實上，呢度嘅村民日常生活同一般人一樣，村內如酒吧、餐廳等社區設施亦應有盡有，而為咗可以同其他裸體村民進行社交活動，村內更設有一個聚會場所，方便佢哋聚餐、開會同舉辦唱歌、游泳等比賽。如果想成為呢條村嘅村民只需喺度買間屋就得，兩房平房價錢約為85,000英鎊（約1,028,500港元），唔知大家有冇興趣呢？
撰文：魂