渡海濠情：釋放壓力 方法各異
早前武漢地鐵車廂突然跑嚟幾個美女，佢哋被人五花大綁，並要求乘客幫助解除束縛，乘客當然樂於幫助，美女獲釋後表示，佢哋嘅動機只想表達釋放「壓力」嘅重要性，嚟自大富豪桑拿嘅爽爽就話：「壓力真係要釋放出嚟！」
不能搞錯
爽爽話：「咪睇我成日笑容滿面，其實我不知有幾大壓力，除咗每日都要煩食乜嘢會靚啲健康啲之外，仲要煩買衫買鞋嘅事，咪睇佢係小事，因為對女人嚟講就係天大重要嘅事，有時擔心錢唔夠，到有錢就煩買乜嘢款式好，選啱款式，又擔心着上身靚唔靚。貴貴買件衫如果着上身唔靚嘅，你話係咪嘥氣，所以單係買嘢就鬼咁大壓力，而且女士們面部同埋皮膚嘅保養，都令人好大壓力，每日要用嘅化妝品同保養品真係數都數唔晒，有啲唔用唔得，有啲用錯唔得，有啲就步驟唔錯得，每一樣都要照住去做，人得一個腦，而且科學家話仲只用得10%，要我記咁多嘢真係壓力好大呀！而且有時除咗照顧自已，仲要抽時間照顧埋男友，個個嘅名都唔可以記錯，你話幾大壓力呀？」
唔湯唔水
你既然咁大壓力，平時點樣緩解呢種感覺呢？爽爽話：「當壓力太大時，就會選擇唔去理佢，例如買衫好大壓力，咁咪唔好去買住囉！如果男朋友壓力太大，咪唔好去見佢哋住囉！一於眼不見為乾淨，你可以話我係逃避，但我覺得逃避咪逃避囉！少買一陣衫，少見一陣男朋友又唔係乜嘢大事，而且唔影響人自己又舒服，何樂而不為，至於有人話做愛可以減壓，我覺得只係男人想鹹濕嘅藉口，因為翻雲覆雨時，冇錯係可以暫忘壓力，但開心完壓力仍然喺度，一樣係解決唔到問題，而且有時男朋友唔爭氣，搞到唔湯唔水，你會仲火滾，到時壓力爆錶，男朋友肯定遭殃，我試過即時鬧到佢狗血淋頭，仲一腳將佢踢咗落床，嚇到佢褲都冇着就雞咁腳走，所以呢招咪亂試呀！」
爽爽 Profile
年齡：20歲
三圍：34-23-34
撰文：小德
攝影：阿生