夫妻生活隨着結婚年月增加而變得乏味，為尋求新鮮感，老公可能會同老婆講想搞搞新意思，例如玩吓角色扮演等。話口未完，老公即場硬食一巴掌，仲要畀老婆大罵：「呢啲嘢喺邊度學番嚟？係咪同其他女人玩過？咁多性幻想，我真係怕你會出去搞搞震！」事實上，有性幻想係屬正常，有報告顯示大部分人每日都有性幻想。英國一項研究報告搵來1,500名成年男女協助，結果發現百分之九十五嘅受訪者表示日日都有性幻想，而綜合佢哋嘅性幻想內容有成44種之多，包括SM、綑綁以及打野戰等。研究負責人表示兩夫妻不妨分享一下性幻想，仲建議進行閨房活動時玩角色扮演，滿足伴侶嘅性幻想。