機會係留畀有準備嘅人，家陣機會就擺在大家眼前喇！日本AV廠SOD最近招募工作人員，表明無分國籍、年齡同學歷，即係話人人都可以去應徵，有志從事AV界嘅巴打真係要把握呢個機會，你準備好未？
AV銷售係日本國內其中一個重要經濟產業，當中以北都集團規模最大，其次就要數到SOD喇！S廠成立19年以嚟，一向以創新製作取悅AV迷，當然佢發掘嘅優質AV女優亦功不可沒，由經典女優夏目奈奈、範田紗紗、中西里菜，到近期人氣高企嘅紗倉真菜、白石茉莉奈等，都成功迷倒萬千AV迷。之不過，近年SOD嘅發展有少少停滯不前，一來經歷幾次新人出道失敗，二來創意開始乾塘，作品種類冇以前咁多，加上對手北都集團作品精良女優又多，令SOD陷於捱打狀態，而創辦人高橋雅也喺一次訪問中表示隨着消費稅持續增加，AV碟銷量相信會受到好大影響，SOD若然唔諗條好橋改善業績，分分鐘要收檔。SOD高層可能就係聽到高橋先生嘅說話，最近決定高薪求賢，推出「SOD候補幹部大募集計劃」！
今次呢個招募計劃對有志從事AV工作嘅巴打絕對係好消息，而對於我哋本地AV迷嚟講更加係一大喜訊，點解又關港男事呢？日本AV公司歷來有好多招募活動，最常見嘅就係素人男優招募，之不過呢類活動多數都係限定日本人至可以參加，但係SOD今次呢個職位招募計劃則不限國籍、年齡同學歷，仲話歡迎一邊留學一邊工作嘅外地人添！職位方面，包括助理監督、營銷推廣以及平面設計，雖然工作範疇乜都要兼顧，好似打雜一樣，但係廠方話明晉升機會良好，更加有機會攀上社長寶座！當然大前提係要夠勤力、夠創意以及夠刻苦至得！待遇都算唔錯，初入職有20萬日圓，約為萬三蚊左右，5天工作制，又有飯錢補貼、員工旅行、生日會等福利，有興趣參與AV製作嘅朋友千祈唔好錯過喇！Click上www.sod.co.jp/special/recruit2015/填表應徵啦！
撰文：賢