好多模特兒喺拍攝照片時，都有自己一兩個獨家做手，例如會吐出小舌頭，有些就會單眼，而今日要介紹嚟自廣州嘅沫曉伊，佢就喜歡把小嘴嘟起嚟變為「O形嘴」，除咗十分有特色外，原來仲有另一重意義添！
沫曉伊呢個名字，對於好多網友嚟講都會比較陌生，但用「曉伊Baby」，相信好多網友都會記得起呢位性感偶像。曉伊Baby出道大約兩三年，起初都係拍吓時裝照或者做外拍模特兒，後嚟就被人發現佢身材出眾，於是拉佢去拍攝性感寫真。初時佢都掙扎咗一段日子，擔心粉絲們會唔會支持呢？萬一走咗性感路線，就冇得返轉頭，但又考慮到自己擁有天賦本錢，唔攞出嚟曝光，真係有點暴殄天物，最後都係決定踏入呢行。初頭以性感內衣示人，曉伊Baby都話有啲唔習慣，但喺慢慢學習，同埋多聽攝影師嘅指導下，家陣已經成為炙手可熱嘅人氣性感模特兒，自舊年處女下海，拍攝咗首輯性感寫真之後，自此工作不斷，可見佢嘅受歡迎程度，絕對係唔講得笑。
曉伊Baby經過整整一年嘅努力和學習之後，除咗拍攝時嘅尺度愈嚟愈大膽之外，表情和造型上都識得加入自己嘅獨有元素，例如好喜歡把小嘴嘟起，我哋叫做「O嘴」，但曉伊Baby就話係鯉魚嘴，佢話鯉魚呼吸時，嘴巴嘟起十分可愛，而且嘟起嘴時，還可以不斷替自己喊加油、加油，所以決定用鯉魚嘴嚟做佢嘅招牌表情，因此每輯照片裏面總有幾張係鯉魚嘴嘅表情，出嚟效果一流，令人欣賞佢嘅寫真時，都帶幾分憐香惜玉嘅感覺，加上玲瓏浮凸嘅完美身材，真係每張寫真都噴血度極高，報稱上圍只有34吋，但罩杯一定係E級以上，唔係點畀到人波濤「胸」湧嘅感覺，最正係配上23吋小蠻腰同埋35吋巨躉，絕對係魔鬼身材典範，所以其實有冇鯉魚嘴都唔重要啦！
簡介：網上有好多沫曉伊嘅寫真，但有齊由佢出道至今嘅照片，一定非佢嘅官網莫屬，而且隨着曉伊愈嚟愈紅，更新亦愈快，絕對值得大家捧場。
網址：http://weibo.com/u/3847683028
出生地：廣州
三 圍：34-23-35
身 高：165cm
撰文：龍四海