家陣好多飲食節目，都會加插美女廚神教煮餸嘅環節，請來坊間嘅美女廚師幫手，老實講，佢哋嘅手藝都算中規中矩，但係同美女兩字就好似……美嘅定義每個人嘅標準都唔同，見到阿婆都可以叫靚女啦係咪先？而喺日本，就有一個水着妹的確睇得又煮得，佢就係葉月由美喇！
所謂鹹魚青菜各有所愛，好似女仔嘅上圍咁，巨乳當然多人鍾意，但係貧乳亦有市場，而小弟我嘅喜好就比較大路，巨乳始終係適合我多啲。不過，點樣先係一對優質巨乳呢？葉月由美呢對G奶正正就係極品巨乳嘅典範，亦因為如此上乘，故曾經成為教材。葉月由美今年22歲，樣子生得溫柔又溫馴，可愛萌味濃郁，予人一種無可抗拒嘅親和感，如果阿妹可以遠赴中東做和平大使，肯定令好多紛爭都得以平息。而令人感到舒適溫暖嘅，除咗和善嘅面孔，仲有一個地方，就係姣好嘅身段喇。由美身體雪白鮮嫩，而胸前嘅一對35吋G-Cup美巨乳更係柔軟性與彈性兼備，故被水着界形容為「棉花糖巨乳」，如果能夠將塊面靠於上面，一定令人悠悠進入夢鄉，綺夢發個不停。
葉月由美初出道時候以柳里穗作為藝名，後來參加選美比賽「Miss Magazine 2010」，入圍之後至改用家陣呢個名活躍於水着界。不過，改名並未為由美帶來好運氣，參加上述比賽，以及後來參加另一個選美活動「Miss Animal NEXT」同樣係去到初賽就行人止步。之不過，由美可愛嘅面孔以及激凸上圍令佢受到電視界留意，邀請佢演出節目，包括《愛之菠蘿包》以及《船券女學院》等。到今年，由美嘅人氣開始漸漸上升，而原因都要歸功於雜誌嘅幫助。今年年初由美受到雜誌Weekly Playboy賞識，搵佢拍咗一輯寫真照，作為專題「2014版乳之基本知識」嘅資料圖片，將由美對G奶作為教材，成功令其人氣谷起。其實，由美除咗出得廳堂，仲入得廚房，曾經連續兩次喺電視台搞嘅水着妹烹飪比賽「全力烹調戰鬥鐵板」中，以美味菜式取悅評判而奪得冠軍，真真正正係美女廚神。
葉月由美平日除咗會將工作時嘅花絮喺博客發布，作為機迷嘅佢仲會將自己嘅打機心得發表，機迷不妨同佢交流切磋一下喇。
網址：http://ameblo.jp/hazuki-yume/
年齡：22歲
身高：5呎3吋
三圍：35G-25-35
撰文：賢