有啲裸模真係幾特別，既要從事呢種行業，卻又要話畀人知查實佢嘅性格好保守，並唔係嗰啲鍾意袒胸露臂嘅人，點似得人氣裸模Kelsie S咁坦白。佢講到明自己係因為鍾意喺大家面前裸露身體，先至會投身裸模行列，仲話愈多人睇就愈興奮。
呢位今年26歲嘅俄羅斯索女Kelsie S，雖然年紀相對其他裸模較大，但咪以為佢裸模生涯已有好多年，查實佢喺2011年2月初先至出道，至今只不過3年多。不過如果翻開佢嘅資料，會發現佢喺成為裸模之前，曾經做過極短時間嘅美股模特兒，亦即係專門晒出臀部嘅模特兒咁解。當時著名裸體寫真公司Met-art睇中佢玲瓏浮凸嘅身材，加上俏麗嘅樣貌，於是邀請佢投身裸模界，從此開始佢裸模生涯。工作期間，仲先後用過Candice、Dori K、Jelena等多個藝名，至今共推出超過110套寫真集。另外，除咗寫真工作外，仲經常喺唔同嘅男士媒體上見到佢嘅身影，並喺歐洲嘅深宵成人節目度登場，多線發展不但令佢既可以搵銀，又可透過頻頻嘅亮相保持高人氣。
可能有人覺得奇怪，點解Kelsie要喺23歲先至投身裸模界，如果有心從事呢個行業，唔係趁年輕時出道會更好咩？據佢解釋，其實佢一直都冇諗過會成為裸模，只係後嚟慢慢發現自己有種特殊癖好，於是索性將呢種癖好變成事業。原來Kelsie口中所講嘅特殊癖好就係露體癖，以前經常有種喺人前露體嘅衝動，只係覺得呢種行為相當唔啱。喺一次同朋友傾談間，對方提議佢不如試吓裸模工作，工作期間既可以喺人前裸體，又可以搵到食。被一言驚醒嘅佢決定自薦到美股模特兒公司，憑住佢出眾嘅外形馬上獲得演出機會。Kelsie表示相當難忘第一次人前裸露嘅經驗，話嗰種感覺令佢相當興奮，仲話只要仍有人欣賞佢嘅美體，就會一直裸露落去。
Kelsie S鍾意露還露，只係若然佢冇火辣身材同埋迷人嘅樣貌，縱然佢點剝法都唔會有人睇。究竟呢位鍾意裸露嘅索女，有乜嘢迷人之處能夠令佢喺裸模界大放異彩呢？想知嘅話就要去呢個網站睇吓喇！
網址：www.indexxx.com/models/37106/kelsie-s
出生日期：1988年1月1日
身高：5呎8吋
三圍：35、26、35
撰文：魂