每個男人都想荷包水頭充足，而床上女伴同樣水頭十足，其實喺情慾字海中，水又點會只係同女人有關咁簡單呢？事實上，水同Water喺情色俚語、玩樂辭典、四仔及AV界中都有唔同又有趣嘅意思，以下就為大家作一介紹。
唔少麻甩佬都聽過事後煙呢個詞語，只係喺外國人嘅文化中，雖則唔知有冇事後煙呢個講法，但卻有事後水呢個詞語，英文就叫做「Sex Water」。每當男士激烈床戰過後便需要飲水，而第一杯所飲嘅水就會用呢個詞語嚟形容，當然，佢仲有一個核突啲嘅用意，就係解作當女伴喺曳曳途中，因內急忍唔住而小解，都會稱嗰啲尿液做「Sex Water」。話說回來，原來男士每次發射出嘅精液中有98%都係水分，其中約2%係蛋白質同核糖核酸，另外仲有微量元素，好似鋅等，而佢嘅營養價值查實同一啖口水差唔多。
如果有個女伴話想同你試吓玩「Water Board」，咪咁天真以為佢想同你玩滑浪板之類嘅嘢，查實佢係種都幾重口味嘅玩法。原來「Water Board」係一種調情玩法，就係將到達發射臨界點嘅男伴先將兵器抽出，邊強忍發射慾望邊讓女伴瞓喺床上，然後將兵器對準女伴俏臉再嚟個強力爆發，將所有精華悉數覆蓋喺對方面上，就好似鋪咗層面膜咁，呢種就係正宗嘅「Water Board」玩法，係咪好重口味呢？
見到「Water Sports」就以為係水上活動？錯！因為喺英文嘅情慾世界中，佢同水上活動一啲關係都冇之餘，佢更係種好核突兼幾惡心嘅玩法，就係泛指所有同尿有關嘅玩法，並且喺過程中仲會有機會要吞埋呢啲液體添！究竟「Water Sports」包括乜嘢玩法？當中最常見嘅就係喺對方身上小解，而好此道者會喺過程中獲得快感，至於呢種行為學名就叫做「Urophilia」或「Urolagnia」。雖然一般嚟講尿液係唔含菌嘅，但喺排出嘅過程中卻會因接觸到排出者嘅皮膚而變得帶菌，因此大家都係唔好試喇！
水中交歡嘅四仔唔少四仔迷都睇過，只係講到當中最有名嘅，卻要數呢套喺2012年由著名美國四仔片商Third Degree Films推出，並由人氣導演Mick Blue拍攝，仲有Kortney Kane、Adrianna Luna、Alexis Monroe、Holly Taylor等多位一線脫星共同演出嘅作品《Water World: Underwater Sex》。佢最巴閉嘅地方唔係夠晒星光熠熠，亦唔係因為性愛場面夠豐富，而係佢用咗最先進嘅高清水底器材，拍攝一眾男女脫星水中交歡嘅場面，不但做到巨細無遺、纖毫畢現嘅效果，而極具壓迫感嘅官能刺激，被唔少四仔迷奉為歷代最佳嘅水中交歡作品。
水咲蘿拉係邊個？如果唔知嘅話真係抵打喇！呢位喺1992年6月出生嘅俄日混血女優，喺2012年7月以藝名瀧澤蘿拉，於日本AV片商Prestige出道之前，已憑住喺YouTube上載自拍片獲得極高人氣，甚至有「國寶級美女」之稱，因此佢AV界出道嘅消息一出，即時獲得極大回響，只係喺同年年底佢突然宣布引退。及至2013年4月，佢以水咲蘿拉之名復出，並喺台灣舉辦首次見面會，呢個做法成功令佢喺東亞地區人氣急升。喺同年11月轉籍到另一片商IdeaPocket，而喺推出AV作品嘅同時，佢又頻頻為內地手機遊戲做代言。成功進軍內地市場嘅佢，近年已甚少推出AV作品，睇嚟想欣賞到佢床上風姿嘅機會似乎唔多。
撰文：魂