渡海濠情：羊女豬女 唔啱姐弟戀
近年十分流行姐弟戀，無論名人或者小市民都唔再介意年齡方面女大男小，但流行還流行，有些人就幸福美滿，亦有些人焦頭爛額，好似嚟自金池桑拿嘅寶寶就分手收場，我哋搵嚟玄學家分析吓乜嘢生肖嘅女士不宜姐弟戀。
第一位：羊女 說話重複
據師傅講屬羊嘅囡囡，本身就有啲大頭蝦，照顧自己都十分勉強，如果要佢照顧埋另一半，那佢會十分疲於奔命，而且屬羊嘅囡囡喜歡說話重複，如果男朋友喜歡阿媽型女友就會好啲，如果唔喜歡嘅，隨時都有分手嘅可能。寶寶話：「我姐姐就係屬羊，佢之前揀啲細過佢嘅男友交往，一個星期都捱唔到，後嚟佢揀咗個年齡大過佢十年嘅，點知非常合拍，兩人拍咗四年拖一直恩恩愛愛，因為佢男友會照顧佢，姐姐乜都唔使煩，不知幾咁開心！」
第二位：豬女 等人照顧
屬豬囡囡一向都冇乜鬥心，要佢為自己前途努力拚搏都要諗過，要佢照顧多個「弟弟」，佢哋絕對唔會考慮，就算一時意亂情迷畀男友入到位，佢哋好快就會清醒過來，喺唔使辛苦和愛情下選擇前者。寶寶話：「我就係屬豬嘅，真係好準呀！我不知幾想搵個男朋友可以照顧我，如果搵個『弟弟』返嚟，要我照顧番佢，我真係接受唔到囉！佢有大把錢都係咁話，年紀細過我嘅有錢仔，擺明就係懶鬼，到時叫佢攞杯水都懶攞嘅男友，要佢嚟有乜嘢用？」
第三位：兔女 缺乏主見
屬兔嘅囡囡心地善良，要佢哋照顧年紀比自己小嘅男友，佢哋絕對冇問題，但佢哋真係除咗善良乜都冇，主見又冇，恒心又冇，毅力又冇，兔女本身就一舊飯，如果小男友亦係一舊飯，咁真係乜都唔使做，所以勉強喺埋一齊，最終都會分手收場。寶寶話：「我阿姨就係屬兔嘅，佢絕對要喺男人指揮下生活，要佢自己決定啲嘢，例如買唔買衫咁簡單，佢都要考慮三五七天，我姨丈好在係個大男人，如果係啲乳臭未乾嘅小夥子，咁後果真係不敢想像呀！」
寶寶Profile
年齡：19歲
三圍：34-23-34
本周大吉生肖
人緣運：狗、牛、龍
桃花運：豬、兔、羊
和合運：虎、馬、猴
撰文：小德
攝影：阿生
玄學提供：寶源師傅