AV達人：日本直擊女優舞台Show精彩火辣

搔首弄姿

當日率先登場嘅係嚟自著名AV片廠SOD旗下嘅女優，作為首個表演團體，又點可以失威呢？SOD派出當時得令嘅女優上陣，包括有紗倉真菜、古川伊織、白石茉莉奈等。佢哋站喺台上搔首弄姿先嚟個近距離攝影環節，台下超過200個AV迷立即湧上前舉機拍攝，幸好個個都好有秩序，唔使驚影唔到靚相。影完相之後，女優大派情趣玩具送畀粉絲，令人窩心又開心。

接住係另一片廠Maxing嘅Show Time，由天后吉澤明步率領由愛可奈、麻生希等女優表演情色Talk Show。女優先擲骰仔，而骰仔上面有各種不同尖銳又鹹濕嘅問題，除咗見慣大場面嘅步姐處變不驚之外，其他女優都講到面紅紅，睇見由愛可奈一副超尷尬嘅樣子，真係好Kawaii呀！

台上換衫

睇咗兩個相對靜態嘅環節後，由Alice Japan加上Max-A聯手炮製嘅專屬女優運動會，就充滿活力同惹笑，上場嘅女優有10人，包括有辰巳由衣、長瀨麻美、橋本麻耶、谷原雪、川上奈奈美等，佢哋分成紅白兩隊展開比併，先嚟個夾住氣球鬥快跑，跟住再嚟孭竹筐鬥接得最多底褲，場面香艷又搞笑，當中以谷原雪、川上奈奈美玩得最投入又狂野，雖然最後兩人連累白隊輸咗，但已睇到粉絲興奮無比。

不過講到令人尖叫不停嘅環節，就必定係由Prestige旗下女優表演嘅換衫Show，搵嚟彩美旬果、柚月亞衣、夏希南等人氣女優喺眾目睽睽下，隨住節拍強勁嘅音樂換上圍裙、賽車女郎服、兔女郎服等，施展制服誘惑。雖然佢哋冇剝光豬，但睇見佢哋邊換衫邊擺出火辣甫士，實在令人忍唔住高聲歡呼呀！呢個舞台Show仲有好多精彩環節，例如有加藤鷹指技教室、女優合唱團Million Girls Z表演以及瑠川莉娜分享生活點滴等，今年錯過咗睇Show嘅巴打，明年咪走雞呀！而大家可以上網重溫當日盛況！

網址：http://hk.on.cc/hk/bkn/cnt/lifestyle/20141116/bkn-20141116124351389-1116_00982_001.html?section=all

特派記者：魂