好多模特兒出道兩三年都只係從事一個行頭，例如係平面模特兒，就只接平面工作，係車模嘅就只接車模工作，能夠跨越兩個行頭嘅已經好幸運，而今日要介紹嘅周美美，出道兩年多就做過多個行頭，仲表現出色。
嚟自上海嘅周美美，大約兩年前出道，當時只有十九歲嘅美美一開始係接模特兒硬照工作，由於樣子清純，所以作品深受網友歡迎，之後一直默默工作，到2013年就已經有車廠搵佢喺南京車展做騷女郎。美美身材高挑，所以一着上性感制服，即時魅力四射，令佢嘅粉絲人數倍增，同年揚州車展，又見到美美嘅身影，隨後江蘇Cosplay展，更搵佢做動漫大使，網上粉絲人數直逼十萬，馬上就有拍攝單位搵佢接拍微電影，跟手就喺多部電視劇中客串演出，其中由黃聖依主演嘅《我在春天等你》佢亦有份參與，短短一年內佢勇闖多個行頭，而且每次都能取得好成績，令佢工作不斷，人氣急升，問美美嘅成功之道，除咗本身有點運氣之外，努力和出色嘅計算都應記一功。
到咗今年，美美繼續喺各大車展亮相，其中南京車展同埋上海車展，佢都有份站台，制服性感度再創新高，而動漫圈亦冇忘記佢，今年美美首次亮相CJ會場，以美艷Cosplay造型示人，而今年係巴西世界盃，美美更被力捧為全國巡演嘅足球寶貝之一，人氣蔓延全國各地，而喺今年年中美美更食住個勢，接拍咗兩輯超性感寫真，令人目瞪口呆，因為美美一改天真爛漫嘅性感形象，反走成熟冶艷風格，令廿一歲嘅美美即時成熟起來，而當中不乏全裸演出，宅男們肯定睇到鼻血長流，好多朋友都奇怪美美事業正如日中天，為何急着一脫求生呢？原來美美另有一着，就係以性感形象開始做夜場DJ，據講美女做一場DJ，收費萬萬聲計，咁識得為自己打算，呢期真係想唔紅都幾難。
簡介：周美美多年嚟一直都以性感形象示人，所以性感寫真遍布每個網站，但要數最齊最多照片，一定係佢官網莫屬，而且不斷更生，絕對值得追捧。
網址：http://weibo.com/u/2645216461
出生地：上海
三 圍：34-25-34
身 高：170cm
撰文：龍四海