情慾小說家Jodi Ellen Malpas認為現實就係咁殘酷，不論個女人性格有幾高傲，對男人幾咁挑剔，一遇到靚仔又有錢嘅男士時，總會忍唔住被對方吸引，正正係佢呢種諗法，就創作出呢本情色作品《This Man》。故事講述索女室內設計師Ava O’Shea，性格高傲嘅佢對任何男人都睇唔上眼。有日佢接到一單農莊嘅室內設計工作，滿以為莊主係個衣着老套，言談魯粗嘅男人，當見到有錢嘅型男莊主Mr Jesse Ward時，即刻被佢嘅外形所吸引。不過眼見過住花花公子生活嘅對方，Ava內心既矛盾又心酸，於是極力提醒自己千萬唔好愛上對方。只係喺一個風雨交加嘅晚上，Ava嘅內心同肉體終於把持唔住。