好多囡囡心情唔好嘅時候都會大吃大喝，特別係失戀時，喜歡化悲憤為食量，平時只食一碗半碗飯嘅囡囡，放縱起嚟，真係可以食到好多嘢，但係咁食法，係咪真係可以令心情變好啦？最近有個健康組織做咗個研究，佢哋搵咗一批男女，將佢哋分為三組，要佢哋先一齊睇一套悲情電影，完場後大家頓時心情沉重，之後研究人員把一組男女安排乜都冇得食，另一組就食燕麥棒，最後一組就有好嘢食，最後研究報告指出，三組男女嘅情緒，都會因時間而得到改善，與食唔食嘢無關，所以推斷心情唔好瘋狂食嘢係冇用嘅，而且食得太多，隨時導致消化不良添！奉勸大家心情唔好時，切勿瘋狂進食，否則只會適得其反。