宅男天地：火紅兔女郎

又係《ToHeart2》嘅模型，又係久壽川莎莎菈！冇計！皆因呢個日本電玩作品極具人氣，尤其係當中嘅女角久壽川莎莎菈勁受歡迎，即使佢嘅模型出過N咁多次，仍然有捧場客。而最新登場嘅莎莎菈Figure為大家帶嚟新鮮感，佢以火紅兔女郎造型示人，最大賣點梗係佢件性感嘅兔女郎服啦，上身展露出大半對車頭燈，加埋條纖腰，火辣身材展露無遺，相當養眼！而佢下半身穿着黑色魚網絲襪，令一雙美腿更加誘惑。無論你係咪莎莎菈嘅粉絲，都會畀佢深深吸引。