渡海濠情：阿媽指導 避孕有法
今時今日仲有人蠢到咁離譜，話說哥倫比亞有個22歲囡囡下體突然又痕又痛，送院檢查發現陰道內有個薯仔，問佢要嚟做乜？囡囡話係阿媽教佢要嚟避孕嘅，嚟自金池桑拿嘅Nyan就話：「曳曳都唔得，當然唔會大肚啦！」
鬧到九彩
Nyan話：「連咁嘅橋都諗得到，我不得不佩服呢位阿媽，講真少女正值青春期，要佢抗拒異性嘅誘惑，真係唔容易，好似我咁樣，當年大班男朋友圍住我嚟轉，畀佢哋氹得幾氹，真係阿媽都唔認得，我阿媽知道我冇返屋企，一返嚟當然鬧到九彩，但你愈鬧就只會愈反叛，於是索性走咗去男朋友屋企生活，但如果我阿媽醒目，唔好只係鬧我，反而向我灌輸多啲性知識，我睇就唔會行咗咁多冤枉路，所以我反而覺得呢個哥倫比亞嘅阿媽好嘢，佢唔話個女成日去玩，反而教佢玩還玩，最緊要就係做足安全措施，囡囡當然受教，於是就教佢塞個薯仔入去，阿女都信以為真，其實薯仔細極都有乒乓波咁大，塞入去仲使曳曳咩，所以呢招我覺得好有用，真係有效阻止男仔搞大個肚！」
盡快大肚
換轉係你將來又會點教自己個囡囡呢？Nyan話：「到我個女嘅年代，就更加講乜都冇用，鬧佢哋就只會更加唔聽話，所以我會慳番啖氣，唔會阻止佢哋拍拖，但會從小就教定佢哋點樣揀男朋友，因為既然阻止唔到，不如喺質素上把好關，我嘅條件唔係好多，只有三條，一，做得佢男朋友嘅一定要樣靚身材好，成個韓國明星咁就正啦，行出街都威啲嘛！二，就係要有家底，冇錢就想追我個女，唔該慳啲啦！三，除咗要對我個女好之外，仲要孝順埋我呢個未來岳母，出街拍拖睇戲食飯時，當然唔少得我啦！如果佢氹得我開心，夜晚就畀佢哋夜啲返囉，我份人好識做嘅！查過家宅發現係有錢富二代嘅，當然要佢哋快啲搞大個肚啦！等佢快啲嫁入豪門做少奶奶！唔通仲等咩？」
Nyan's Profile
年齡：21歲
三圍：35-24-35
撰文：小德
攝影：阿昌