一年前阿妹宣布同荷里活男星查理辛拍拖，之後男方對傳媒話好不容易先求婚成功，跟住兩條友就環遊世界，但距離婚期不到一個月，雙方就宣布分手。而查生喺網站表示，過去一年佢同Brett遊遍世界各地，一齊完成過好多事情，但彼此了解之後大家決定分開各自生活，現階段佢想放多啲心力喺親生女身上喎！食女無數嘅查公子，離過4次婚，差一個月就再做老襯，今日竟然話照顧囡囡緊要過溝女，你估邊個會相信呢？至於四仔迷收到分手消息，查實一啲都唔感到意外，事關由佢哋開始拍拖一直都唔睇好，有口痕友仲話早知瞓身投注佢哋一年內分手賺番筆添！
撰文：祖