渡海濠情：整形手術我話事
濟南有位三十歲人妻，本來身材不俗，但生育後因餵哺母乳，以致乳房下垂，於是前年去做手術，希望回復挺拔感覺，但佢老公竟話有疤痕同埋凹陷要求離婚，嚟自帝濠桑拿嘅CoCo就話：「呢啲男人認真冇良心！」
嫌三嫌四
CoCo話：「人哋嫁得畀你，仲為你生埋個仔，呢啲老婆已經冇嘢好講，家陣為咗你家嘅長子嫡孫可以快高長大，佢仲唔怕會影響身材，親自以母乳餵哺兒子，到兒子戒奶時，我睇都有兩三年咁耐，呢個時候發現從前充滿自信嘅乳房，竟然開始鬆軟下垂，於是即時想辦法，最後決定以整形手術嚟將乳房縮小，希望能夠保持番堅挺嘅狀態，呢位太太做咁多嘢全部為咗邊個？我就打死都唔信係為咗自己，九成係為咗自己個老公啦，點知手術出咗小小意外，個衰男人就嫌三嫌四仲話要離婚添，分明就係睇個老婆唔順眼啦！你話佢係咪冇良心吖？計我話離婚就離婚，分佢一半身家，然後再去整形中心執執佢，一定可以以全新形象示人，到時搵過個好男人開開心心咁繼續生活落去。」
一於少理
你會唔會為咗深愛嘅男人去整形呢？CoCo話：「我個樣人人都話唔差，身材更係有前有後，所以我估計自己現時唔使去整啲乜嘢！但日後如果真係要用母乳餵哺小朋友或者年老後面部要執一下，我係義無反顧咁去整靚佢，因為保持青春美麗，係女人本身嘅畢生事業，將自己有咁靚整到咁靚，又有乜嘢錯？相反，如果係個另一半話要我整整呢樣，整整嗰樣，我反而睬都唔會睬佢，因為整唔整嘅話事權應該係喺我自己手上，而唔係佢，佢閒話一句就要我整，好難啦！所以佢哋嘅意見，我會一於少理，但自己經過深思熟慮後話要整嘅，我真係會即刻行動，冇錢問人借錢都要整好佢，因為開心唔開心，滿意唔滿意，全部都係出自自己個心，我個心覺得舒服，先至最緊要！」
CoCo Profile
年齡：21歲
三圍：35-24-34
撰文：小德
攝影：阿生