日本寫真界競爭激烈，除咗一眾寫真女郎互動比併，近年仲有唔少索女加入戰團，好似一眾模特兒咁。以長腿聞名嘅模特兒菜菜緒就係活躍雙界嘅好例子，而身材極度火辣嘅名模小泉梓都唔輸蝕。小泉梓美艷絕倫，本身憑美貌就已經可以迷死男人，但係佢副偈更加係無與倫比嘅魔鬼身材，胸前一對34E美巨乳真係逼爆鏡頭，亦因為阿妹身材好到不得了，令佢深受不少內衣品牌賞識，經常搵佢做模特兒催谷銷量。
而今年小泉梓就開始涉足寫真集，推出寫真DVD，憑住迷人面孔以及火辣身材成功熱賣。最近，小泉梓決定再下一城，推出新一隻寫真DVD《AZU Style》，為此更喺11月3日舉行簽名握手會添。去到現場買一隻DVD就可以握手同喺寫真碟上簽名，以及參加抽獎同小泉梓猜包剪揼贏取簽名寫真一張，買兩隻仲可以參加由小泉梓換上泳裝演出嘅團體攝影會，買夠三隻更加可以叫佢喺自己嘅私人物品上簽名添！詳情請Click上http://www.i-one-net.com/event/79睇睇。
撰文：賢