就嚟到西方嘅鬼節，亦即係萬聖節，而每年到呢個時候都係嘩鬼出籠嘅日子，扮鬼嚇人唔在講，化身成養眼艷鬼都未嘗唔吸引。喺情慾世界中，有唔少色慾詞語同鬼及Ghost有關，唔單止涵蓋玩樂範疇，仲喺成人電影中現身添！
「Ghost Load」意思即係我哋所講嘅打空槍、射空炮或冇貨派，總之就係男士高潮時發覺乜都射唔出咁解。有巴打就話遇到個索女一晚大戰十個回合，最後嗰幾個回合梗係打空槍，咁嘅「Ghost Load」一試都無妨。如果咁諗就大錯特錯喇！雖然精囊有一定嘅容量，而精液亦有限量，因此一夜多次曳曳自然係冇貨派，但如果長時間都係咁嘅話，就有機會令身體機能耗損之餘，仲可能患上不射精症。最大影響唔單止係冇射精動作同冇精液排出，最慘係冇性高潮同埋異常兼持續性硬直。試諗吓，如果支兵器喺唔適當嘅時候行升旗禮，就真係尷尬到爆呀！
「Ghost Sex」有兩個意思，一個正如字面解釋嘅人鬼曳曳；另一個意思則係扮鬼嚇人嘅三人行玩法。前者嘅意思唔難理解，皆因喺現實中經常聽到有人自稱曾經同鬼魂交鋒，而後者則要花啲時間去理解。所謂扮鬼嚇人三人行嘅「Ghost Sex」玩法，係先讓女伴先行趴低並同男士玩推車仔，然後喺女伴唔知情嘅情況下換上另一位男士，而原先喺度推車仔嘅男士則突然現身喺女伴嘅面前，呢個時候女伴驚覺原來身後嘅其實係第二個男人！當然，成個玩法最重要嘅問題係女伴一定係個「開放」型嘅女性，否則兩位男士好大機會會惹禍上身，因此奉勸大家千祈咪亂嚟呀！
喺解釋「Ghost Ride」係乜嘢之前，先旨聲明大家唔好試。點解要咁煞有介事呢？事關「Ghost Ride」係種車震體位，玩法係男士喺駕車嘅途中，女伴騎上對方身上玩騎牛牛，由於呢種玩法有機會遮擋男士嘅行車視線，係種極高危嘅體驗及隨時有變Ghost嘅可能！不過大家都知道愈危險就愈有人會試，喺今年5月，美國佛羅里達州就有對夫婦聽完一場音樂會後回家途中，因情到濃時就喺車上嚟個「Ghost Ride」，結果架車撞上一條管道，丈夫雖然只係膝蓋被撞碎，但老婆則傷重死亡，而丈夫最後因醉駕導致過失殺人及車禍致死等罪名被收監。
美國四仔界鍾意惡搞一啲人氣電影，幫佢加料成為香艷四仔版本，而既然講到Ghost又點可以唔提惡搞著名電影《捉鬼敢死隊》而成嘅《Ghostlusters》呢？呢套由美國著名四仔片商Evil Angel喺1990推出嘅作品，搵嚟四仔界名導Bruce Seven攝製，加上Victoria Paris、Tianna、Cheri Taylor等多位當時人氣高企嘅脫星坐鎮，令呢套搞鬼作品推出後，便喺1991年嘅AVN頒獎禮中獲得最佳全女班四仔作品大獎。故事講述一班英雌平日以捉鬼為業，偶爾會利用鬼魂嚟幫佢哋達成各種願望，結果梗係經常搞到烏龍百出啦！
對於AV迷嚟講，一定聽過「鬼畜」呢個系列。即係泛指各種同愉虐有關嘅題材，當中包括拘束、強迫、凌辱等等極度侮辱性嘅內容，總之利用各種有損女性尊嚴嘅過程，從而帶畀AV迷官能上嘅刺激，當中著名品牌有死夜惡、一本道、Tokyo-Hot等。雖然呢種題材被視為相當殘暴同麻木不仁，並且有傳言某啲AV導演為咗令女優演出更真實，會通過各種手段嚟強迫對方，但事實上絕大部分嘅呢類作品，喺拍攝前都同AV女優有充分嘅溝通。此外，其實呢類題材嘅AV唔單止喺日本有相當嘅市場，並且喺成人電玩中亦佔有一定嘅市場分額。當然，對於AV女優嚟講，除非真係好等錢使或者寄望憑住一片翻身，否則呢類型AV並非佢哋嘅第一選擇。
撰文：魂