有人話純情少女加型男富豪嘅橋段相當老套，只係你咪理，正所謂橋唔怕舊最緊要受，只要文筆寫得好同埋香艷情節夠到肉，仍然深受大家歡迎，就好似著名情慾小說家Raine Miller嘅《Naked》就係一個好例子。佢將呢條可以話勁老套嘅橋段，加上細膩嘅床上描述，令到呢本小說人氣相當高。故事講述女主角Brynne Bennett係倫敦一所大學嘅美術系學生，為咗減輕經濟壓力便兼職做裸體攝影模特兒。有日佢突然收到超級富豪Ethan Blackstone嘅電話，對方話買咗佢張裸體寫真後對佢相當有興趣，決定出巨額金錢「租」佢返屋企做擺設。Brynne得悉對方限於觀賞便答應要求，只係呢宗交易係咪咁單純呢？