宅男天地：巨峰美少女

日本人氣Game《艦隊Collection -艦Colle-》深受歡迎嘅原因，當然係遊戲中出現好多萌爆女角色，令人玩得零舍開心又投入，及後更推出漫畫同動畫，同樣超具人氣。而今次介紹呢個模型就係嚟自當中嘅人氣女角大和改，呢位胸前激凸嘅美少女，模型嘅焦點梗係離唔開佢個心口，超貼身嘅戰衣充分展現出巨型雙子峰嘅魅力，極之養眼。仲有，大和改穿着嗰條百褶裙甚具睇頭，兩邊開窿設計，性感得嚟又令人想入非非。此外，模型嘅手工夠細緻，好多細節位都做得十分精美，單係印有漢字嘅及膝襪就已經令人讚嘆不已。