渡海濠情：性愛治療 男女不同
英國有位單親媽媽患有躁鬱症，佢嘅治療方式並唔係定時食藥，而係需要定時做愛，佢話做愛係最有效嘅治療方法，至今已經同90位男士發生關係，嚟自凱旋桑拿嘅佳佳就話：「好彩我冇啲咁嘅病啫！」
男友辛苦
佳佳話：「患咗啲咁嘅病真係好麻煩，你雖然可以名正言順同唔同嘅男人親熱，接受治療之餘，仲可以享受埋性愛嘅滿足，但任何女人嘅心目中，做愛嘅滿足感都只係其次，最主要係有冇人愛你，你未有人愛，仲係單身，當然冇問題，身邊有90個，甚至900個男人都冇所謂，但如果畀你搵到一個好愛你嘅男人，但以佢一人之力，又無辦法徹底咁醫好你嘅病，你嘅愛人一係選擇放棄，離你而去，一係就只能接受你搵其他男人親熱嚟醫病呢？真係兩難呀！就算最後個男人揀咗接受你，但日日眼白白咁望住個老婆去同其他男人親熱，佢接受得到，但你自己又係咪真係接受得到呢？我就唔得啦，因為要我愛嘅男人受苦，畀起自己受苦會更難受，我情願自己受罪都唔想佢唔開心，所以我冇啲咁嘅病，真係萬幸呀！」
醫病為先
如果掉轉頭，你愛嘅男人有啲咁嘅病，你又會點呢？佳佳話：「我男朋友患咗呢啲病，我當然會設法滿足佢啦！平時我都會咁做，何況佢係有病呢？至於佢要求不斷，我又點算好呢？呢層大可放心，我男朋友平時食量都好細，就算佢真係患咗病比平時要求多兩三倍，都可以拍心口保證，我一個人都可以搞得掂佢，何況男人最巴閉咪一日三次，連續幾日都開始冇氣冇力啦！所以真係未驚過！萬一，真係因患病而變咗性愛超人，連我都頂佢唔順，我又唔介意放佢出去同其他女士開心吓，一來係醫病，唔醫會死人，我梗係唔想佢死啦！二來就算佢冇病，啲男人想去偷食，我一向會採取隻眼開隻眼閉嘅方法，只要佢識得返屋企咪由得佢囉！我份人最睇得開，但如果佢愛上咗第二個，咁就唔講得笑，我一定同佢死過。」
佳佳Profile
年齡：22歲
三圍：34-24-35
撰文：小德
攝影：阿生