渡海濠情:大婆反擊要揀對象

最近內地接連有幾宗新聞,都係大婆搵埋成班三姑六婆,當街當巷截住小三痛罵兼扭打,嚴重嘅仲將小三嘅衣服撕毀,赤條條示人,嚟自十八桑拿嘅小琪話:「如果有人敢咁對我,睇吓邊個厲害啲!」

無法埋身

小琪話:「首先聲明我有大把追求者,所以點會去做人小三呀?就算無意中做咗,九成都係畀個臭男人呃咗,所以嚴格嚟講,我都係受害者之一,所以呢啲大婆走嚟搵我算帳,認真唔合道理囉!事關你身為大婆,就應該好好管住自己個老公,但你咁都睇唔住,畀個老公出嚟拈花惹草,害咗其他囡囡,你老公絕對罪大惡極,不過你身為老婆都難辭其咎,我唔上門搵你算帳,你竟走嚟搵我算帳,呢個係乜嘢道理呀?所以呢啲大婆千萬咪嚟搵我,否則被罵到狗血淋頭嘅一定係你哋呢班監管無方嘅大婆,另外,千萬咪出手,因為我從小就學過功夫,兩三個男人都未必埋到我身,唔好話兩三個師奶,到時被剝光豬嘅,肯定唔會係我,但要啲師奶剝光豬示人,我怕會影響市容,所以千萬咪逼我出手呀!」

控制老公

講到咁巴閉!請教一下點樣做至監管到自己嘅男人呢?小琪話:「其實女人有另一半喺身邊,你嘅身份唔係做正室大婆,就一定係做情婦小三,喺呢場大婆同小三嘅角力賽中,邊個肯努力邊個就會勝出,眼見好多大婆攞咗個名分後,就冇做好自己嘅工作,於是就會有機會畀人乘虛而入,所以你最要怪嘅並唔係小三,而係你自己,所以要打要閙人哋,不如先打先閙吓自己,至於點樣管好個老公,不外乎以下三招,一係冇錢,所有錢銀畀老婆管晒,咁佢想作反都難;二係冇時間,要佢日又做夜又做,返到屋企就同你做,令佢冇時間,兼且冇晒精力去溝女;三就係冇朋友,好多時男人作怪,都係畀啲損友教壞,你有辦法令佢身邊一個損友都冇,咁佢想作反都難,到時包保飛唔出你嘅手指罅!」

撰文:小德

攝影:阿程