美國拉斯維加斯嘅夜生活出晒名多姿多采，而講到深受男士歡迎嘅脫衣舞表演，位於當地北部嘅Palomino更係地標性夜店。早喺1969年已經開業，至今已超過45年歷史，依然屹立兼且人氣極高，說明佢幾咁受到玩家歡迎之餘，更係全個拉斯維加斯唯一既有全裸艷舞演出，又獲得演出時供應酒精飲品許可嘅夜店，難怪佢嘅地位超凡！
每晚有超過45名嚟自全球各地高質脫衣舞娘喺度演出，火辣身材及高超舞藝固然令玩家睇得如癡如醉，而各種優質美酒更係令玩家樂而忘返。如果只係想齋飲嘅話，呢度亦係唔錯嘅選擇，事關從下午4點開始營業嘅佢會提供歡樂時光優惠，唔少玩家都會早啲去歎番幾杯，免得開Show時冇得入去呀！
撰文：魂