日本嘅忍者神出鬼沒，事關喺古時佢哋專門負責收集情報同暗殺，難怪身手敏捷又打得，而亦因為佢哋嘅神秘性令唔少人着迷。喺情慾字海中，亦有唔少詞語同忍者及Ninja有關。想知嘅話就要留意以下嘅介紹。
雖然美國有唔少忍者迷，但講到真正以忍者為主題嘅四仔卻一套都冇，難怪呢套由巴西著名四仔片廠Sexxxy Brazil，喺2007年推出嘅作品《Ninja A Musa Do Funk》，縱然搵嚟一班巴西脫星上陣，兼且以好多美國人都聽唔明嘅葡語，只係作品甫推出市場就令美國四仔迷哄動。其實佢嘅故事好簡單，講述由巴西脫星Natalia Lemos所飾演嘅女主角，身懷忍術但性慾長期得唔到滿足，於是就化身忍者潛入男士嘅房中強行征服對方。點知喺一次行動中，佢識咗個備受男友欺凌嘅索女。佢唔單止教對方忍術，仲同佢一齊潛入賤男屋企，喺對方床上進行色慾制裁。
須知道美國有唔少忍者迷，而喺脫星界亦有唔少，好似人氣脫星April O'Neil就係其中一位。據呢位喺1987年4月7日美國出生，先後喺2012年AVN頒獎禮中獲得最受Twitter用家歡迎脫星大獎，及喺2014年XBIZ頒獎禮中榮獲最佳女同脫星大獎嘅索女講，佢自細就已經係忍者迷，不但經常喺屋企扮忍者周圍走，長大後更以著名美國動畫《忍者龜》中嘅女主角名字作為藝名。喺2011年嘅美國聖迭戈國際動漫展中，就以漫畫April O'Neil嘅造型登場，至今仍為Cosplay迷津津樂道。問到佢幾時會以忍者造型登場，佢卻表示由於忍者要包實個樣，驚到時冇人認得出佢喎！
「Ninja Sex」嘅意思係男女喺粒聲唔出嘅情況下曳曳，亦即係無聲嘅性愛。不過大家要留意，佢嘅情況同死魚有好大嘅分別，後者只不過係因為男或女方喺冇感覺或唔投入嘅情況下至唔出聲，而前者則係因為某啲原因而促使佢哋一定唔可以出聲，當中最大原因係因為屋企有其他人，唔想引起注意同不必要嘅尷尬，先至唔可以出聲。英國早前有個關於沉默性愛嘅調查，發覺愈嚟愈多人因為居住問題，唔想畀同住嘅長輩或仔女聽到佢哋發出嘅叫聲，而經常過住沉默嘅性生活。不過有性學家指出，偶爾一次強制沉默嘅性愛，雖可體驗與別不同嘅性愛刺激同快感，但如果長期係咁嘅話，則有可能會影響到性愛嘅質量，甚至會對男女關係產生負面嘅影響。
唔通「Sex Ninja」真係好似字面直譯咁，解作性愛忍者？佢嘅意思有兩個，一個係指偷偷地喺屋企做住一啲唔可以畀人知嘅性行為，而通常係指自娛；另一個意思，則係指鍾意偷偷地潛入男或女友屋企嘅人，佢哋想偷偷地同對方曳曳嘅意思。前者只要喺安全兼冇人發現嘅情況下進行，其實係無傷大雅，只係後者卻要小心。事關一個唔小心畀其他人發現，有機會會誤以為你係賊嚟，到時真係唔知點解釋嘞！
忍者源自日本，而佢哋嘅動漫同電玩當然不乏以忍者為題材嘅作品，只係講到AV界最為著名嘅忍者系列，就唔可以唔提將十八禁電玩《對魔忍Asagi》改編而成嘅「對魔忍Asagi」系列。呢套以魔幻元素創作而成嘅作品，敵人淫邪無比嘅觸鬚係佢嘅標誌。隨住電玩不斷有續集推出，AV版本同樣長出長有，而佢最新嘅作品則係喺今年5月底推出，由波多野結衣、乙葉奈奈詩、高坂保奈美同阿部乃美久演出嘅《對魔忍Asagi 淫謀之東京王國》。想知套作品有幾咁歡迎嘅話，大可從早前佢哋將演出戲服進行拍賣嘅價錢就知，乙葉奈奈詩嘅忍者衫叫價350,500日圓（約25,236港元），而波多野結衣套忍服更係高達355,100日圓（約25,567港元），真係有價有市呀！
撰文：魂