舊陣時要知道心儀女仔嘅心事，最好就係睇吓佢本少女日記，之不過能夠咁做真係難過登天，除咗你有隔空取物之能，仲要敵得過良心責備。家陣就唔同喇，因為好多女仔都鍾意寫Blog，要知道佢哋嘅生活細節真係話咁易。水着妹鈴木咲更係靠寫Blog，再加埋自拍性感照而上位喇。
要喺日本水着界突圍而出，水着妹樣子生得靚兼且擁有豐滿身材固然有優勢，但係最重要都係用畫面嚟誘惑觀眾，所以一副能夠展現出高柔軟度，拍攝時擺出各種誘惑姿勢嘅胴體則更為要緊，好似鈴木咲咁就啱晒數喇。今年26歲嘅鈴木咲嬌俏可人，青春又帶稚氣，認真係人見人愛，車見車載。阿妹佢青春可愛得嚟有時卻展現出一派冷酷之氣，又係別有一番韻味。雖然佢上圍唔大，只得A-Cup貧乳級心口，其實談唔上火辣，之但係佢腰幼坐圍亦夠上翹飽滿，而最重要仲係身體柔軟度高，拍寫真嘅時候一扭一趷都帶出誘人曲線美，挑逗效果絕非一般女仔可以做得到。
鈴木咲本名細川千尋，差不多20歲嘅時候就出嚟做寫真偶像，人氣平穩向上，直至2008年其人氣就開始急劇上升。事緣當年阿妹參加第四屆Sabra Blog Girl選舉，由於佢一直都用心經營自己個Blog，加上時時都有自拍性感照上載，成功吸引大量網民注意同支持，喺是次投票選舉中獲勝。而最重要嘅係今次為所屬事務所旗下藝人完成三連冠，故負責人自此對佢寵愛有加，工作量同曝光率上升，要吸人氣就容易好多啦。鈴木咲今年亦靠Blog得獎，佢喺Weekly Playboy嘅第一次自拍照比賽再憑住於微博上載誘惑度極高嘅性感自拍照，成功奪得公民投票獎喇。除咗以Blog誘人耍家，阿妹佢扮嘢都好叻，2011年就憑住Cosplay技巧贏得「第2次Fami通遊戲高手天使比賽」冠軍，最近佢又為一本寫真小說《花咲，戰國巫女》扮演現代版巫女喇。
鈴木咲除咗經常喺博客上載性感自拍照，由於佢熱愛打機，更會透露自己近期嘅打機情況，機迷不妨上去同阿妹交流一下打機心得。
網址：http://ameblo.jp/sakiika-saki/
年齡：26歲
身高：5呎4吋
三圍：32-24-33
撰文：賢