每年呢個時候都係一班四仔脫星瞓身拉票旺季，佢哋頻頻出席各大小成人博覽及周年慶祝活動，藉機宣傳造勢，不過脫星點落力拉票，都唔及業界老大哥出口術幫到手，佢就係有「King Of Adult」之稱嘅男神Derrick Pierce喇！
本來只係一個四仔男神嘅訪問，大家只係關心男神心目中最好砌脫星，然後睇完訪問買番兩隻四仔返歸爽，之但係時間實在太脗合，令人懷疑男神幫自己友拉票囉！話說早前Derrick Pierce接受成人網站訪問，整個訪問係男神齋講佢心目中5位最佳合作夥伴，其他嘢一概不談。喂！係人都知道各大成人頒獎禮於明年初開始陸續舉行，喺呢個非常時期，男女脫星都要造勢爭入圍競逐獎項，而Derrick以業界老大哥身份出口術幫手，係咪有心幫自己友先？
Derrick一向以口出狂言見稱，除咗拍四仔，佢亦會喺色情網站開咪做主持，談及業界趨勢及大爆色情演員不為人知一面，而佢甚少會稱讚脫星。至於今次Derrick接受成人網站訪問，一開波就自爆有5位脫星令佢留下深刻印象，有讚冇彈，第一個係中女Phoenix Marie，擁有魔鬼身材，熱情有活力，一撻即着，係一個不可多得嘅好對手！第二個係已轉型做性教育專家嘅Jessica Drake，佢家陣一年只拍一部四仔，極少落床演出，而Derrick就勁讚Jessica係一個完美女人，傾倒眾生，而且性技一流，可以同佢執劑，死而無憾！第三個係亞裔癡女Asa Akira，Derrick讚阿妹集性感、情趣、激情於一身，正到不得了。跟住第四個係Maddy O'Reilly，佢外表似鄰家女孩，實情係淫到出汁，同佢過招，少啲氣力都唔得。第五個係新人Sophia Fiore，阿妹波哋結實，一雙長腿最誘人，玩腿都可以玩足一日！
呢個訪問出街之後唔少網友瘋傳，令呢5位脫星人氣爆燈，不過心水清嘅巴打就發現，呢5件脫星都同Derrick哥份屬好友，而且佢哋全部都喺大型片廠Wicked Pictures演出過，尤其Jessica Drake更係該廠一姐，究竟呢篇訪問係咁啱，定係片廠畀錢男神出口術幫手拉票呢？
撰文：祖