網上經常出現一啲令男網友流晒口水嘅索女自拍照，只係講到最令佢哋「驚為天人」嘅，卻要數呢位嚟自俄羅斯嘅索女Yulia Viktorovna Vins。1996年5月21日出生，暱稱Julia嘅佢不但擁有天使般嘅樣貌，同時擁有筋肉人嘅身材！唔係講笑，佢真係好大隻，皆因佢原來係位舉重兼健力舉重嘅運動員。佢自稱喺16歲時開始接受訓練，而喺短短年幾嘅時間便獲得相當大嘅成果。當然，以佢咁索嘅樣貌而練到咁大隻，唔少人都覺得好嘥料，只係佢覺得一啲都冇所謂，因為變咗大隻妹後自信多咗之餘，身材仍然玲瓏浮凸，最重要仲得到朋友嘅支持，甚至同佢一齊去健身添！不過話時話，有個咁嘅女朋友，男士會唔會覺得好有安全感呢？