今日介紹一位嚟自廣西南寧嘅私拍模特兒畀大家認識，佢嘅名叫做詩詩，你如果上網搜尋詩詩嘅話，一定會搵佢唔到，但當你打埋佢嘅英文名Sissi時，就會有一大串詩詩嘅寫真網貼圖彈出嚟，所有照片都十分火辣性感添！
近年啲模特兒個名愈古靈精怪就愈易上位，詩詩亦係其中一個，好似佢嘅藝名係Sissi詩詩，讀起嚟要詩四次咁多，但你咪理，粉絲就係覺得過癮，記得住佢個名。而據資料顯示，Sissi詩詩仲喺廣西財經大學，讀緊工商管理系，話說入讀大學冇耐就同其他大學生模特兒一樣，被同學游說去當模特兒，起初喺公園以少女形象畀人影吓相，但由於詩詩樣子清秀，所以好多人都想佢剝衫，冇幾耐就被汽車網力邀佢做車模，以性感內衣喺車廂內拍攝咗一輯噴火寫真，自此一鳴驚人，冇幾耐Sissi詩詩更做埋私拍模特兒，舊年年尾推出第一輯寫真作品，點知一出街就大受歡迎，自此工作不斷，截至9月底佢今年就有四、五輯性感寫真推出，真係密度好高，亦可睇得出佢嘅受歡迎程度。
講真Sissi詩詩嘅身材不屬爆乳一族，上圍只得34吋，加上個子亦唔算高大，但因為佢樣子清雅，有啲古裝人嘅面口，所以佢稍稍暴露已經有好大反差，出嚟嘅性感照片會好有效果，加上愈拍愈大膽，性感底線一次比一次有新突破，雖然未到其他私拍模特兒咁三點盡露，但佢遮遮掩掩咁性感反而更加吊人胃口，於是更受粉絲們嘅追捧。據最新消息指有網絡遊戲生產商對佢有興趣，想搵佢做代言，睇嚟一定係古裝性感美女，因為我都講過，Sissi詩詩有古裝人嘅面口，所以佢着上古裝性感造型一定迷死不少宅男網友，希望佢嘅新作品快啲出街。Sissi詩詩外表天生弱不禁風咁，原來佢真係成日都病，翻開微博真係唔少病照，奉勸阿女搵錢同時要多多保重身體！
簡介：詩詩入行冇耐所以作品不多，絕大部分都收錄咗喺佢嘅官方微博裏面，當然有些收費照片呢度係冇嘅，但花絮同現場自拍都十分精彩，值得捧場！
網址：http://weibo.com/u/3951941885
所在地：廣西南寧
三 圍：34-24-35
身 高：163cm
撰文：龍四海