渡海濠情：雙魚情人喜歡逃避

男女朋友之間發生乜嘢事情都好，坦誠地攞出嚟解決，一定有辦法處理得到，但有些人就歡喜逃避，採取一走了之嘅辦法，嚟自9號會所嘅依依，佢之前認識咗個雙魚座嘅男朋友，就因為小小事自此再沒有見過對方一面！

一力承擔

依依話：「我呢個雙魚座男朋友，真係對我好好，平時溫柔體貼，而且對我十分細心，我稍稍有啲反應，佢就知道我想點，特別係親熱時，我都唔使出聲，佢就知道我要嘅力度大小，同埋角度深淺，總之每次我都畀佢搞到高潮迭起，佢見微知著嘅功夫，絕對同佢嘅床上功夫有得比，但就係太多事情都喜歡一個人嚟承擔，所以遇到事情，就會自己一個人處理，一到咗無辦法處理時，就會覺得天要跌落嚟，一切都玩完，而最後嘅方法就係一走了之。之前佢幫個朋友打理一間公司，去到之後啲舊伙記唔妥佢，事事同佢對着幹，最後我呢個男朋友竟然一走了之，激到佢朋友死死吓，焗住要自己返嚟處理，嗰陣時我都覺得佢有鋪咁嘅癮，但勢估唔到竟然會發生喺我哋身上！」

興師問罪

最後點呀？依依話：「我有一次約咗班姊妹出去飯局，我咪同佢講係姊妹聚會囉！點知去到現場，有個姊妹帶咗個男朋友嚟，於是約埋一齊食飯，根本係好正常嘅事，點知好衰唔衰，個男朋友食食吓喺現場撞到班同事，於是好正常就係大夥兒坐埋一齊食，我哋有傾有講，把酒言歡，搞到點幾兩點至返到屋企，點知佢大興問罪之師，問我去咗邊度？我都係嗰句，咪同姊妹聚會囉！點知佢有朋友喺餐廳食飯，將我同其他男士談笑風生嘅照片傳咗畀佢睇，我當時都唔知點解釋，於是咪話好攰，要解釋都留番第二日，點知第二日起身，佢就執晒佢啲嘢，只留低鎖匙同字條就話分手，我發散晒啲姊妹幫手搵佢，都一直搵唔到，所以男朋友係雙魚座，真係要小心佢哋一走了之！」