未經人事嘅處女形象純潔，係好多男人夢寐以求嘅拍拖同結婚對象，喺傳統嫁娶習俗當中，唔少富貴人家要求新娘一定要係處女之身添！戲都有得做，若然發現女家或媒人有隱瞞，新娘喺初夜冇落紅，男家肯定會唔高興。之不過，初夜落紅係咪真係可以證明到女方係處女之身呢？咁又未必喎！
早前美國一個調查就指出只有34%嘅女性喺初夜會因處女膜破損而流血，換言之大部分女性都唔會。至於女性冇喺初夜流血嘅原因，可能係先天或後天因素令處女膜唔完整有關，所以絕對唔可以話佢哋唔純潔。然而，世界上有好多男人唔明白，故此調查亦同時指出，處女膜修補手術挽救咗唔少女性嘅性命，因為呢種手術喺呢10年內令因女方冇流處女之血嘅相關命案激減8成咁多。
撰文：賢