近年有唔少大型基建工程，令建造業需要大量人手，可惜入行嘅年輕人少之又少，於是業界連番提升薪酬同福利，吸引新人入行。最近日本AV集團SOD一樣面對女優短缺嘅問題，故出動千萬酬金利誘美女下海！
正所謂同人唔同命，同遮唔同柄。日本AV業界龍頭集團北都旗下嘅大小AV廠新人輩出，簡直多到你睇唔晒。之不過，另一集團SOD近年就認真淒涼喇，事關接連有多位新人宣告下海成為SOD專屬女優後，轉個頭就因各種理由而未能出道，就算新碟已經收到顧客訂金亦要退訂，以致SOD大失預算，仲搞到現時女優陣容人才缺乏，雖然廠內嘅紗倉真菜、白石茉莉奈同古川伊織都有實力又有號召力，但長此落去，只係靠3個女優根本撐唔住間廠。所謂重賞之下必有勇夫，SOD放棄故有嘅低薪素人娘招募方法，推出「性感偶像大募集」計劃，合約酬金有1千萬日圓（約71萬港元），而推薦人亦同樣可以得到1千萬日圓，認真大手筆！
不過，要成功攞到1千萬日圓就要經過評級，計劃當中有評審按囡囡質素分類為SSS、SS、S以及美熟女，最高級嘅SSS級女優才可以得到1千萬日圓，同時佢拍一部AV可獲得500萬日圓片酬。此外，SOD為新人安排嘅福利相當唔錯，有關方面表示會為新人設計形象，令其散發女人味；每個月只拍一部AV，所需日數為2至3日，拍攝時間同日子都盡可能配合新人；拍攝之前會有專人講解拍攝細節；每次拍攝都有高級房車接送往返片場同屋企，不但方便女優仲為其保障私隱。SOD出到咁好薪酬同福利都覺得未夠，更加將計劃包裝成為踏上偶像之路嘅好方法，將SOD過去同現役嘅專屬女優喺藝能界發展嘅成績都一一列出，連經典巨乳女神夏目奈奈同範田紗紗嘅威水史都列晒出嚟，用意當然係想以佢哋嘅成功嚟吸引新人入行啦！