日本嘅水着女優個個樣靚身材正，換上性感比堅尼更係令人流晒口水，只係家陣大家唔使再望寫真集興嘆，皆因日本有水着女優開設咗間名為Coconuts Lounge嘅餐廳，不但搵嚟一班人氣又衣着性感嘅水着女優招呼大家，仲會喺店內載歌載舞兼玩遊戲，實行同大家嚟個近距離接觸！
呢間位於日本涉谷嘅餐廳，裝修充滿熱帶小島風情，而為咗可以畀到大家一個充電嘅環境，不但提供美食同特色飲品，更經常搵嚟唔同嘅人氣水着女優舉辦握手會、攝影會、簽名會等活動。從佢2012年12月初開幕以嚟，至今已搵嚟糸山千恵、今野杏南、甲斐翔貴等人氣女優出席，而據佢哋嘅話事人兼同係水着女優嘅中村葵講，佢哋以後仲會帶嚟更多火辣女優添！
撰文：魂