有啲男士有古怪嘅癖好，就係收集女性底褲，尤其係愈索嘅靚女，對佢哋嘅底褲愈有興趣，只係開口問人要嘅話，唔畀人話佢變態就奇！對有呢種癖好嘅男士嚟講，呢條位於非洲津巴布韋共和國嘅葛瓜村（Gokwe），或者有神奇力量幫到手。話說早前當地發生一件神奇嘅事件，村內有26名女性一覺瞓醒後，發現原本着喺身上嘅底褲不翼而飛，而當地部落首領更表示已經唔係首次發生咁嘅事。其後有村民發現消失嘅底褲散落喺湖邊同樹上，只係一班女性擔心底褲被人下咒而冇認領，最後將佢哋統統燒晒。雖然有人懷疑呢件事應該係人為，但姑勿論如何，作為女性無端端唔見底褲都真係幾驚呀！