對唔少人嚟講，位於英國嘅城市諾里奇（Norwich），最為人熟悉嘅莫過於當地球隊諾域治，只係當地嘅脫衣舞夜店Sugar and Spice同樣享負盛名。作為當地唯一一間以美式脫衣舞作招徠嘅夜店，自從2010年7月開張以嚟，一直成為男士夜遊熱點。以紅同黑色作為店內主色嘅環境，不但極具格調，而兩層夜店共分為三個區域，分別係一樓可容納超過50人嘅大廳同廂座區，前者可讓男士近距離同艷舞女郎接觸，後者則可欣賞艷舞演出之餘，更可同老友把酒言歡，而二樓則為VIP包廂，提供極具私密性嘅環境，等玩家可獨家體驗艷舞女郎嘅熱情，甚至可跟女郎喺廂房內嘅大床上傾偈添！店內仲有一個特色，就係以名為「Sugar Chips」嘅特色籌碼代替紙幣當小費，玩家可盡情將佢攝喺女郎嘅內衣中，當然，前提係對方要有着衫啦！