呢期最多人講嘅話題，相信係天王及天后分手多年又再復合，而呢件事亦令唔少人慨嘆愛情真係令人難以捉摸又意想不到，難怪人類文明發展多年，愛，始終係生命嘅主題之一。愛同慾係相連嘅，而喺情慾字海中，兩者佔有相當重要嘅地位，以下多個相關嘅詞語，唔知大家又知道幾多呢？
自從避孕套出現以嚟，我哋對佢有唔同嘅外號，好似膠笠、雨褸、Dom Dom等等，而美國人對佢亦有唔同嘅叫法，佢就係「Love Glove」嘞！從字面睇嘅話，解作愛嘅手套，我哋從當中嘅意思其實唔難明白點解佢會被用嚟形容避孕套。據講呢個叫法原來出現已有相當一段時間，早喺上世紀80年代。話說回來，大家知唔知現今全球最貴嘅避孕套要幾多錢一個呢？答案係US$68（約HK$530）。呢個由著名品牌Louis Vuitton喺2011年底推出，並搵嚟格魯吉亞著名設計師Irakli Kiziria設計嘅避孕套售價相當貴，而最特別嘅地方就係套上有其商標嘅凸紋，據講可以令女伴更有感覺。
Love Muscle 最愛兵器
如果問大家「Love Muscle」其實係人體邊個部位嘅話，唔知有冇人知道答案呢？二頭股？腹肌？統統都唔係，查實「Love Muscle」喺美國俚語中解作男士嘅兵器。佢之所以有愛情肌肉之稱，皆因但凡男女情到濃時，就會通過呢個部位嚟展現愛情嘅真諦。姑勿論呢個講法啱定唔啱，只係從Muscle亦即肌肉呢個說法，就可以肯定一啲都唔正確。須知道兵器其實並非肌肉，而係構造好似海綿嘅海綿體所構成，當佢受刺激時便會充血並進入作戰狀態。話時話，大家知唔知道原來除咗人類外，多數嘅哺乳類雄性動物嘅兵器內都有稱為「陰莖體」嘅骨頭。
Shy Love可以話係四仔迷界冇人唔識嘅名字，事關呢位喺1978年11月27日於德國出生嘅拉丁裔索女，憑住36D、24、34嘅魔鬼身材及勁索嘅樣貌，喺2003年出道以嚟便馬上一炮而紅。不過大家知唔知，原來喺佢未成為脫星前，係個擁有執業資格嘅會計師呢？據佢講當年之所以投身四仔界，係因為想體驗與別不同嘅生活同得到成功嘅事業。事實上，一切如佢所諗嘅一樣，出道四年後就已經成為AVN名人堂嘅一員，除咗接踵而至嘅片約外，佢喺2006年成立脫星經理人公司Adult Talent Managers，又喺2008年於美國科羅拉多州與人合夥開設名為13 Pure嘅夜總會。喺2013年宣布引退後並將Adult Talent Managers賣盤後，再喺今年9月11日宣布創立新嘅經理人公司The VIP Connect。另外，脫星Diamond Kitty原來係佢個妹嚟呀！
如果直譯「Love Wand」嘅話，佢解作愛情魔杖，只係乜嘢叫做愛情魔杖呢？大家唔好心邪，佢唔係指男士嘅兵器，而係指情趣玩具中嘅震動按摩棒！佢之所以得到咁嘅稱呼，係因為每當佢震動時，都會帶嚟如魔法效果般嘅高潮。雖然我哋今時今日視按摩棒為情趣玩具，但原來佢喺19世紀時，係種專門治療女性精神病「歇斯底里症（Hysteria）」嘅醫療器材，用以鬆弛佢哋過度緊張嘅情緒。另外，最早喺市場上出現嘅電動震動按摩棒，原來早喺1902年已經出現。呢支由美國公司Hamilton Beach設計並銷售嘅按摩棒，喺當年不但係劃時代嘅產品，透過成功嘅營銷手法，更火速成為人氣玩物。
Lovehoney業界龍頭
隨住大家對情趣玩具嘅觀念改變，喺外國佢已成為唔少男女生活一部分，而講到情趣用品企業龍頭，就一定唔可以唔提呢間公司總部設於英國嘅Lovehoney。由Richard Longhurst同Neal Slateford喺2002年成立嘅公司，從當年只得幾個職員發展至今日人數超過一百人，而截至2011/2012年度毛利率更超過16,000,000英鎊（約2億港元）。Lovehoney最初業務為著名避孕套品牌嘅英國代理商及情趣玩具銷售商，其後佢開始代理一啲著名嘅情趣用品品牌，及至今日佢所代理品牌已超過400個，當中包括BASIC Sex Toys、Bondage Boutique、Death By Orgasm及Tracey Cox部分系列產品等。除咗代理產品外，佢更自行生產自家品牌產品，而憑住佢喺情趣用品界出色嘅營銷策略，更喺國際營銷頒獎禮上屢獲殊榮。
網址：www.lovehoney.com
從2003年出道至2007年引退，當年日本AV女優愛田由宣布退出AV界時，真係唔知傷咗幾多個AV迷嘅心！事關呢位1984年8月12日出生，並擁有35E、22、34三圍嘅索女，不但騎功出色，而玲瓏浮凸嘅身材更備受AV迷熱捧，甚至稱佢為「超品位」女王，亦即超級火辣身材嘅女優王者。如此出眾嘅外形加上挑動淫心嘅床技，水着女優出身嘅佢，創下喺同一時間內有多達16部片約搵佢簽嘅紀錄，而佢嘅作品更係一推出就即刻賣斷市，認真誇張！喺2006年時，佢喺Sky PerfecTV成人放送大賞中獲得最佳女優大獎。喺2007年，宣布從S1轉投另一日本AV片商Moodyz冇耐嘅佢，於同年7月12日正式宣布引退，而引退後嘅佢曾經喺網絡上販賣個人大頭貼，近年佢已淡出大家嘅視線。
撰文：魂